ព្រះសីហនុ៖ ករណីផ្ទុះអាវុធក្នុងក្រុងព្រះសីហនុ នាព្រឹកថ្ងៃ២២ ខែសីហា ឆ្នាំ២០២៣នេះ កំលាំងសមត្ថកិច្ចនៃស្នងការដ្ឋាននគរបាលខេត្តព្រះសីហនុឲ្យដឹងជាបឋមថា បច្ចុប្បន្នគិតត្រឹមម៉ោងជាង ១២ថ្ងៃត្រង់ ថ្ងៃដដែល សមត្ថកិច្ចបង្ក្រាបបានជនសង្សយ័ពាក់ព័ន្ធចំនួន ៣នាក់ហើយ និងដកហូតបានសម្ភារៈវត្ថុតាងមួយចំនួន។

ភ្លាមៗនគរបាលនៅមិនទាន់បញ្ជាក់ប្រាប់ពីអត្តសញ្ញាណក្រុមជនសង្ស័យនិងដើមហេតុថាយ៉ាងណានៅឡើយ ដោយរង់ចាំការសាកសួរតាមនិតិវិធី ប៉ុន្តែបើតាមប្រភពក្រៅផ្លូវការថានេះជាករណីជម្លោះរវាងជនជាតិចិននិងជនជាតិចិន។

តាមប្រភពដែលឃើញហេតុការណ៍ការនៅព្រឹកមិញនេះ នៅវេលាម៉ោងប្រហែលជាង ៩ព្រឹក គេបានប្រទះឃើញរថយន្តស៊េរីទំនើបជាច្រើនគ្រឿង បានបើកប្រដេញគ្នា តាមបណ្តោយផ្លូវឯករាជ្យ លុះមកដល់ចំណុចរង្វង់មូលតោរពូរថយន្តអាល់ផាតមួយគ្រឿង ក៏បានដកអាវុធខ្លីបាញ់ទៅលើរថយន្តម៉ាក Jeep មួយគ្រឿង តែពុំបណ្តាលឲ្យមនុស្សរងគ្រោះថ្នាក់នោះទេ។

ក្រោយពេលកើតហេតុនិងទទួលបានដំណឹងនេះភ្លាមកំលាំងសមត្ថកិច្ចស្នងកានគរបាលខេត្តព្រះសីហនុ បានសហការគ្នាជាមួយអធិការក្រុងស្រុកដេញប្រផាប់ចាប់ប្រភីងបានរថយន្តមួយគ្រឿងម៉ាកសាដេស ដែលជិះបំបុកនិងរថយន្តសមត្ថកិច្ច នៅចំណុចជញ្ជឹងថ្លឹករថយន្ត ម្តុំអូរចំណារ ក្រោយមកបន្តបើករត់គេចខ្លួនតាមបណ្តោយផ្លូវជាតិលេខ៤ ឆ្ពោះមកក្រុងព្រះសីហនុវិញ ត្រូវបានកំលាំងសមត្ថកិច្ចបាញ់ស្រោចលើរថយន្តជនសង្ស័យ ដើម្បីឃាតខ្លួនបានជនសង្ស័យម្នាក់ភ្លាមៗនោះ នៅចំណុចចំណោតអូរត្រេះ ក្រុងព្រះសីហនុ នៅព្រឹកថ្ងៃដដែល។

ដោយជនសង្ស័យមានគ្នាច្រើនសមត្ថកិច្ចបានបន្តច្បាមយកបានចំនួន ២នាក់ទៀត សរុបជាបឋមចំនួន៣នាក់ដោយឃាតខ្លួនជាបន្តបន្ទាប់ នៅចំណុចសណ្ឋាគារមួយកន្លែងម្តុំឆ្នេរអូរឈើទាល ក្រុងព្រះសីហនុ នៅវេលាថ្ងៃត្រង់នេះ ដោយបច្ចុប្បន្នសមត្ថកិច្ចកំពុងបន្តស្រាវជ្រាវយ៉ាងយកចិត្តទុកដាក់បន្តចាប់យកជនសង្ស័យដែលពាក់ព័ន្ធ ដែលកំពុងរត់គេចខ្លួនជាបន្តទៀត៕